АСТАНА. KAZINFORM - Елордалық «Барыс» хоккей командасының бас директоры қызметіне Нұрлан Оразбаев тағайындалды.
Бұл шешімді «Туризм және спорт индустриясын қолдау қоры» корпоративтік қоры қабылдады.
Айта кетсек, қазан айының басында Борис Иванищев «Барыс» хоккей клубы бас директоры қызметінен кетті. Оған команданың Құрлықтық хоккей лигасындағы сәтсіз ойын көрсетуі себеп болды.
Салдарынан биыл бас бапкер қызметіне таағйындалған канадалық маман Дэвид Немировски қызметінен шеттетілді.
Оның орнына ресейлік маман Вячеслав Буцаев «Барыс» хоккей клубына бас бапкер болып тағайындалды.
Қазір елордалық клуб Құрлықтық хоккей лигасындағы турнир кестесінде соңғы орынды місе тұтып тұр.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.