АСТАНА. KAZINFORM - Қазақстандық «Барыс» командасы бүгін Құрлықтық хоккей лигасындағы кезекті ойынын Ресейде «Адмирал» (Владивосток) командасына қарсы өткізді.
Кездесу барысында командалар бір-бірінің қақпасынан саңылау табуға тырысты.
Бірінші кезеңде «Адмирал» сапынан Дмитрий Бучельников 14-минутта есеп ашты.
Ал 21-минутта елордалық командадан Даниил Апальков 21-минутта таразы басын теңестірсе, Джозеф Лабейт 26-минутта «Барысты» алға шығарды.
Ойынның 38-минутында ресейлік клубтан Джованни Фьоре көздеген нысанадан мүлт кетпесе, одан кейін Алексей Соловьёв 46, Леонид Метальников 58-минутта басымдықты арттырды.
Осылайша «Барыс» қарсыласына 2:4 есебімен есе жіберді. Бұл – елордалық клубтың қатарынан он бірінші жеңілісі.
Екі команда бұған дейін 33 мәрте кездескен. Оның 18-і елордалық клубтың басымдығымен аяқталса, қалған ойындарда ресейлік команда жеңіске жеткен.
Бұл кездесуден кейін қазақстандық ұжым тағы бір ойынын 14 ақпанда Ресейде «Адмирал» командасымен өткізеді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.