00:28, 01 Ақпан 2020

Барлық дерлік өңірде сенбі жауын-шашынсыз болады

НҰР-СҰЛТАН. ҚазАқпарат – 1 ақпан күні де Қазақстанның барлық дерлік аумағы солтүстік-батыс антициклонының ықпалында болады. Соған байланысты республиканың басым бөлігінде жауын-шашынсыз ауа райы сақталады. Республиканың тек батысы атмосфералық фронттардың әсерінде болатындықтан жауын-шашын күтіледі. Кей жерлерде тұман, көктайғақ, оңтүстік-шығыста және солтүстік-батыста желдің күшеюі сақталады, деп хабарлайды ҚазАқпарат.

«Қазгидромет» РМК мәліметінше, Жамбыл, Түркістан, Қызылорда, Манғыстау, Атырау, Батыс Қазақстан, Қарағанды, Шығыс Қазақстан облыстарының кей жерлерінде тұман күтіледі. Атырау, Батыс Қазақстан облыстарының жекелеген аумақтарында көктайғақ болжанады.

Алматы облысының Жалаңашкөл ауданында жел 17-22, күндіз екпіні 27 м/с күшейеді, түнде және таңертең кей жерлерін тұман басуы ықтимал.

Ақтөбе облысында түнде Мұғалжар ауданында желдін екпіні 18 м/с артады.

Ауа райы Қазгидромет Қоғам

без автора