НҰР-СҰЛТАН. ҚазАқпарат - Испанияның «Барселона» командасы футболдан UEFA Еуропа лигасы жартылай финалына шыға алмай қалды, деп хабарлайды ҚазАқпарат тілшісі.
Испаниялық клуб ширек финалда Германияның «Айнтрахт» командасына 2:3 есебімен жол берді. Алғашқы кездесу 1:1 есебімен аяқталған болатын.
Қалған ойындарда Германияның «РБ Лейпциг» командасы Италияның «Аталантасын» 2:0 ( бірінші ойын 1:1), Шотландияның «Рейнджерс» клубы Португалияның «Брагасын» 3:1 (бірінші ойын 0:1), Анлияның «Вест Хэм Юнайтеді» Францияның «Лионын» 3:0 (бірінші ойын 1:1) есебімен сүріндірді.
Енді жартылай финалда «РБ Лейпциг» пен «Рейнджерс», «Вест Хэм Юнайтед» пен «Айнтрахт» командалары кездеседі.
Ойындар 28 сәуір мен 5 мамыр күндеріне белгіленген. Финал Испанияның Севилье қаласындағы «Рамон Санчес Писхуан» стадионында өткізіледі.
Еске салсақ, бұдан бұрын футболдан Чемпиондар лигасы жартылай финалына шыққан командалар белгілі болды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.