НҰР-СҰЛТАН. ҚазАқпарат - Қазақстандық «Барыс» елордада құрлықтық хоккей лигасы плей-офф сатысында бүгін, 5 наурызда ресейлік «Металлург» (Магнитогорск) командасымен үшінші кездесуін өткізеді, деп хабарлайды ҚазАқпарат тілшісі.
Кездесу елорда уақытымен 19:30-да «Qazsport» телеарнасынан тікелей эфирде көрсетіледі.
Магнитогорскіде өткен алғашқы кездесуде «Барыс» қарсыласынан 3:2 есебімен басым түссе , одан кейін 2:6 есебімен есе жіберді.
Енді тағы бір кездесу 7 наурызда елордада болады. Тағы бір ойын 9 наурызда Магнитогорскіде өткізіледі.
Бес матчта жеңімпаз анықталмаған жағдайда одан кейінгі 11 наурызда астанада өтеді.
Айта кетсек, «Барыс» шығыс конференциясында сегізінші орынға тұрақтаса, «Металлург» екінші орынға табан тіреді.
Екі команда бұған дейін плей-офф сатысында төрт мәрте жолықты. Оның екеуінде «Барыс» жарыс жалғастырса, екеуінде «Металлург» клубының жолы болды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.