АСТАНА. ҚазАқпарат - Елордалық «Барыс» Құрлықтық хоккей лигасындағы кезекті ойынын елордада Қытайдың «Куньлунь Ред Стар» (Бейжің) клубына қарсы өткізді, деп хабарлайды ҚазАқпарат тілшісі.
Ойын барысында қытайлық команда жинақы қимыл көрсетті. Нәтижесінде бірінші кезеңде олардың қатарынан Джек Родевальд 9, Брэндон Ип 13, Кори Кейн 15-минуттарда мергендік танытты.
Екінші кезеңде «Куньлунь Ред Стар» басымдықты арттыра түсті. Ойынның 29-минутында Зак Лесли есепті үстемелесе. 39-минутта Винсент Ловерде көздеген нысанадан мүлт кеткен жоқ.
Осылайша «Барыс» қарсыласынан 0:5 есебімен жеңілді.
Енді «Барыс» кезекті ойынын 13 қазанда Ресейдің «Адмирал» (Владивосток) командасына қарсы өткізеді.
Еске салсақ, бұдан бұрын «Барыс» «Ак Барстан» басым түскен еді.
Фото: instagram.com/kzsports
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.