«Құрметті қала тұрғындары мен меймандары! 3, 7, 9, 22, 26, 28, 30 қазан күндері «Барыс» хоккей матчының өткізілуіне байланысты қала көшелеріне арнайы Shuttle-Bus автобустары (жеткізу және әкету) шығады. Автобустар «Қазақстан» спорт кешені мен Бөгенбай батыр ескерткіші (Бөгенбай батыр даңғылы мен Сарыарқа көшелерінің қиылысындағы) алдындағы тұрақтарда болады. Автобустар жұмыс күндері сағат 18:30-де, ал демалыс күндері сағат 16:15-де жолға шығады», - делінген хабарламада.
Shuttle - Bus автобустары жолаушыларды «Барыс-Арена» спорт кешеніне жеткізеді.
«Shuttle - Bus арнайы автобустарының билет құны қала ішіндегі қоғамдық көліктермен бірдей. Автобустардың жоғарыда аталған уақытын ескере отырып, жолға шығуды алдын ала жоспарлап алуларыңызды сұраймыз», - делінген хабарламада.