«Марина Таргакова ҚР Денсаулық сақтау және әлеуметтік даму министрлігінің қызметкері емес. ҚР Денсаулық сақтау және әлеуметтік даму министрінің «ҚР ДСӘДМ штаттан тыс бас мамандарының тізімін бекіту туралы» бұйрығында гомеопат жоқ», - деп хабарлайды министрлік.
Денсаулық сақтау министрлігі Қазақстан азаматтарын мұндай мәлімдемелерге назар аудармауға шақырады. Бүгінгі күні халықты иммундау - вакцинамен екпе жасау жұқпалы аурулардың алдын алудың негізгі әдісі болып табылады. ҚР Ұлттық екпе күнтізбесіне сәйкес Қазақстанда 21 жұқпалы ауруға қарсы тегін вакцин егу жүргізіледі. Вакциналаудан бас тарту инфекцияны қабылдағыш адамдардың және аурудың көбеюіне алып соғады.