Оңтүстік өңірде қазір «Басеке» кинотуындысы түсірілімінің қызған шағы. Сценарий бойынша алақандай ауылға екі миллионер келеді. Яхта, көлік, ұшақпен қатынап, жерге табаны тимейтін қалталылардың өмірі де қас-қағымда құбылып сала берді. Дәулетті кәсіпкерлер ауылда жүріп, бақыттың тек ақшадан тұрмайтынына көз жеткізеді.
Сценаристердің айтуынша, жердің қай түкпірінде болмасын жақсы өмір сүруге болады.
- Бұл фильм жақсы, сәтті, халыққа бір ой салатын, көңіл-күй сыйлайтын керемет дүние болатынына сенім мол, - дейді актер Бақыт Тушаев.
Асып-тасқан бай-бағландардың қалай тәубесіне келгені жайлы туындыны қазақстандықтар желтоқсан айында «Хабар» арнасынан көре алады, деп хабарлайды телеарнаның баспасөз қызметі.