Дәрігерлер қолжетімді баспана бағдарламасы, медицина қызметкерлерінің демалыс күндерінің санын ұлғайту, медициналық сақтандыру және дәрі-дәрмек бағасының өсуіне қатысты бірқатар проблемалық мәселені көтерді.
Бибигүл Жексенбай депутаттардың көтерілген барлық мәселелерді назарда ұстайтынын атап өтті және халықтың әлеуметтік жағдайын жақсарту саласындағы Палатаның заңнамалық қызметі туралы хабардар етті.
«Жақында жаңа Әлеуметтік кодекс қабылданды. Бұл еліміздің әлеуметтік саясатын жақсартудағы маңызы зор қадам екені даусыз. Жаңа әлеуметтік саясат – Мемлекет басшысы жариялаған ауқымды өзгерістердің бірі. Әр отбасында жаңа цифрлық картаның болуы, жұмыспен қамту саласында жаңа тәсілдерді енгізу және арнаулы әлеуметтік қызметтер жүйесін жетілдіру де сондағы жаңалықтардың ішінде. Бұл біздің отандастарымыздың өміріне де, сала қызметкерлеріне де оң әсерін тигізеді», - деп атап өтті сенатор.