Батыс Қазақстан облысында алғашқы қар жауып, көлік қатынасы қиындады, деп хабарлайды Kazinform.
Тұрғындар 26 қазан күні Жаңақала, Жәнібек, Казталов аудандарына жауған қардың фото, видеоларын әлеуметтік желіге жүктеп жатыр. Оларға сүйенсек, Жәнібек ауданы Жақсыбай ауылында тіпті, боран соққан.
БҚО Полиция департаментінің баспасөз қызметі Ақжайық ауданында да қар жауып тұрғанын мәлім етті. Дегенмен, барлық жол ашық, жол-көлік оқиғалары тіркелмеген.
Облыстық Төтенше жағдайлар департаментінің хабарлауынша, 27 қазанда өңірдің батысы мен оңтүстігінде қатты жауын-шашын (жаңбыр, қар) күтіледі. Желдің екпіні кей жерлерде секундына 15-20 метрге жетеді. Орал қаласында тұман, көктайғақ болуы ықтимал.
Тұрғындар арасында төтенше жағдайларға жол бермеу, өмірлік маңызы бар нысандар мен электр және байланыс жүйелерінің үздіксіз жұмысын қамтамасыз ету бағытында тиісті шаралар қолға алынып жатыр.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).