ОРАЛ. KAZINFORM – Батыс Қазақстан облысының прокуроры Серік Шалабаев қызметінен босатылды.
БҚО прокуратурасының баспасөз қызметінен мәлім еткеніндей, С.Шалабаевтың қызметте болудың шекті жасына жетуіне байланысты Бас прокурордың бұйрығы шыққан.
Қазір БҚО прокурорының міндетін Дәурен Омарғалиев атқарып жатыр.
Серік Рысқалиұлы 1965 жылы Маңғыстау облысы, Таушық ауылында дүниеге келген.
Прокуратура органдарында 1992 жылдан бастап қызмет атқарды.
2022 жылғы 27 шілдеден бері Батыс Қазақстан облысының прокуроры болды.
Еске сала кетейік, бұдан бұрын бірқатар облыстың прокурорлары тағайындалғанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).