Батыс Қазақстанда 3 300-ге жуық саяжай үйі суға кетті
ОРАЛ. KAZINFORM — Батыс Қазақстан облысында саяжайларда 3 294 үй суға кетті. БҚО ТЖ департаментінің баспасөз қызметінен мәлім еткеніндей, соның 2 921-і Орал қаласындағы өзен жайылмаларында орналасқан.
Фото: БҚО ТЖД
«Облыс бойынша су тасқыны басталғаннан бері 13 777 адам эвакуацияланса, соның 5 717-сі – балалар. Эвакуациялық пункттерде 2 314 адам тұрып жатса, соның 998-і – балалар. 11 463 адам туыстарына кеткен. 4 925 мал қауіпсіз жерге айдалды. Апаттық-құтқару жұмыстарына 10 519 адам, 1 784 техника, 212 су сору құралы, 164 қайық және 4 тікұшақ жұмылдырылған», деп хабарлады ведомстводан.
Фото: БҚО ТЖД
Еске сала кетейік, бұдан бұрын БҚО тұрғынының үйлеріне аман оралғанына шүкіршілік етіп отырғанын жазған едік.
Жайық өзенінің деңгейі Оралда 34 сантиметрге көтеріліп, қауіпті шекке жақындады.
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).