ОРАЛ. KAZINFORM – Батыс Қазақстан облысы Бәйтерек ауданы Мичурин ауылында қойма отқа оранды.
БҚО ТЖ департаментінің баспасөз қызметінен мәлім еткеніндей, 25 қазан күні шамамен сағат 20.15-те Заводская көшесі 10-мекенжайында ангар үлгісіндегі қойманың жанып жатқаны жөнінде хабар түскен.
«Аумағы 300 шаршы метр қойманың төбесі өртенген. Оны сөндіру екінші ранг бойынша жүргізілді. «Тілсіз жау» сағат 21.05-те оқшауланып, 21.31-де ауыздықталды. Зардап шеккендер жоқ. Өрттің шығу себебі анықталу үстінде. Оны сөндіруге жеке құрамнан 37 адам, 11 техника жұмылдырылды», деп хабарлады ведомстводан.
Еске сала кетейік, бұдан бұрын Батыс Қазақстанда тұрғын үйдегі өрт саны 2,5 есе артқанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).