ОРАЛ. KAZINFORM — Батыс Қазақстан облысында киік мүйізін тасымалдаушылар қолға түсті.
Бұл туралы БҚО полиция департаментінің баспасөз қызметі мәлім етті.
Ұйымдасқан қылмыспен күрес басқармасының қызметкерлері ҚР ҰҚК департаментімен бірлесіп заңсыз сауданың жолын кесті.
- Орал-Атырау күре жолы бойында полиция қызметкерлері Toyota Alphard автокөлігін тоқтатып, тексерді. Көліктің жүксалғышынан 291 киік мүйізі салынған екі қорап табылды. Мүйіз автокөлік жолаушысы, Бөкей ордасы ауданының тұрғыны, 1982 жылғы ер адамға тиесілі екендігі анықталды. Қазіргі кезде қылмыстық іс қозғалып, тергеу амалдары жүргізілуде, - деп хабарлады ведомстводан.
Еске сала кетейік, бұдан бұрын БҚО-да тұрғынның киік мүйіздерімен ұсталғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).