ОРАЛ. KAZINFORM - Батыс Қазақстан облысы Бөкей ордасы ауданында құрғақ шөп жанды.
Фото: Ұялы ауылдық округі әкімдігі
БҚО ТЖ департаментінің баспасөз қызметінен мәлім еткеніндей, оқиға 28 мамыр күні сағат 15.05-те Ұялы ауылдық округі аумағында болды.
Фото: БҚО ТЖД
«Ұялы ауылынан 5 шақырым жерде 5 гектар аумақта құрғақ шөп өртенді. Жану сағат 16.20-да ауыздықталды. Өртті сөндіруге 25 адам, 6 техника жұмылдырылды. Қазіргі кезде оқиғаның себеп-салдары анықталу үстінде. Биыл жыл басынан бері 1 орман, 1 дала өрті тіркелді, бірақ орман өртенген жоқ», - деп хабарлады ведомстводан.
Ұялы ауылдық округінің әкімі Ерлан Ермекқалиев оқиғаның басы-қасында болғанын жеткізді. Тұрғындардың сөзіне қарағанда, көптен бері жаңбыр жаумағандықтан, шөптің шығымы да ойдағыдай емес, қуаңшылық болуы да ықтимал.
Фото: БҚО ТЖД
Еске сала кетейік, бұдан бұрын Оралда екі қабатты мейрамхананың шатыры жанғанын жазған болатынбыз.
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).