ОРАЛ. KAZINFORM – Батыс Қазақстан облысы Бөрлі ауданында 19 жастағы жігіт жол апатынан қайғылы қазаға ұшырады.
БҚО полиция департаменті баспасөз қызметінен мәлім еткеніндей, оқиға 2 қыркүйек күні Бөрлі ауылында болды.
«Шамамен сағат 00.50-де 19 жастағы жүргізуші «Урал» мотоциклінің руліне ие бола алмай, бағанға соқтығысқан. Жол апаты салдарынан мотоциклде отырған 2005 жылғы жолаушы оқиға орнында көз жұмды. Тағы бір жолаушы ауруханаға жеткізілді. Аталмыш оқиға бойынша қылмыстық іс қозғалды. Тергеу амалдары жүргізілуде», - деп хабарлады ведомстводан.
Еске сала кетейік, бұдан бұрын Оралда 39 рет жол ережесін бұзған жүргізушіге 1 млн теңге айыппұл салынғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).