Батыс Қазақстанда уақытша салынған жолды су шайып кетті
Батыс Қазақстан облысында уақытша салынған жолды су шайып кетті, деп хабарлайды Kazinform.
Фото: БҚО ТЖД
БҚО ТЖ департаментінің баспасөз қызметінен мәлім еткеніндей, оқиға 6 қаңтар күні Бәйтерек ауданы аумағында болды.
Фото: БҚО ТЖД
«Аудан орталығы Переметный ауылы жанында Деркөл өзенінде жөнделіп жатқан көпірдің қасында уақытша үйінді жол шайылды. Аталған жол өзен арқылы өту үшін салынған. Ауылды су басу қаупі жоқ. Жақын жерде Зеленый ауылы арқылы өтетін айналма жол бар. Өмір сүру жағдайлары бұзылған жоқ. Су деңгейі төмендеген соң қалпына келтіру жұмыстары жүргізіледі. Аудан тұрғындарын тыныштық сақтап, дүрбелеңге түспеуін сұраймыз», - деп хабарлады ведомстводан.
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).