ОРАЛ. KAZINFORM — ҚР Ішкі істер министрінің бұйрығымен полковник Мирас Құдайбергенұлы Тұрдалин Қазақстан Республикасы Ұлттық ұланы «Батыс» өңірлік қолбасшысының орынбасары болып тағайындалды.
«Батыс» өңірлік қолбасшылығының баспасөз қызметі мәліметінше, жаңа орынбасарды жеке құраммен ҚР Ұлттық ұланы бас қолбасшысының орынбасары, генерал-майор Бауыржан Әбжанов таныстырды.
Бауыржан Садықұлы жаңадан тағайындалған қолбасшы орынбасарының әскери қызметінде табысқа жетуіне, жауынгерлік және командалық дайындықты жетілдіре түсуіне тілектестігін білдірді.
Мирас Тұрдалин аталмыш лауазымға тағайындалғанға дейін Ұлттық ұланның Ақтөбе қаласындағы 6655 әскери бөлімінің командирі қызметін атқарды.
Айта кетейік, бұған дейін «Батыс» өңірлік қолбасшысының орынбасары болған полковник Павел Александрович Ситников «Оңтүстік» өңірлік қолбасшылығына дәл осындай қызметке ауысты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).