ОРАЛ. 11 маусым. ҚазАқпарат - Батыс Қазақстан облыстық тарихи-өлкетану музейінде «Мүсіндер шеруі» атты шара ұйымдастырылды.
Музей қорындағы түрлі мүсіндер көпшілік назарына ұсынылды. Музей қызметкері Самал Әбуованың айтуынша, көрмеге жиырмаға жуық туынды қойылды. Соның ішінде Шоқан Уәлиханов пен Махамбет Өтемісұлының мыс мүсіндерін 1988 жылы Алматыдағы өнер комбинаты сыйға тартқан. Ал «Дәруіш» атты туындының авторы да, қашан тапсырылғаны да белгісіз.
Көрмеге келушілерге оралдық мүсінші Рафаэль Шамсутдинов мүсін өнерінің қыр-сыры туралы әңгімелеп берді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).