ОРАЛ. ҚазАқпарат - Батыс Қазақстан облысында 35 010 адам ревакцинациядан өтті, деп хабарлайды ҚазАқпарат тілшісі.
БҚО Денсаулық сақтау басқармасының баспасөз қызметінен мәлім еткеніндей, сондай-ақ 7763 адам Pfizer вакцинасын салдырса, соның 3998 - жасөспірімдер, 275 - жүкті, 3490 - бала емізетін әйелдер.
Осы кезге дейін облыс бойынша 263 506 адам (егілуге жататын тұрғындардың 63,6 пайызы) бірінші, 247 721-і (59,8 пайызы) екінші компонентпен егілді.
Күні бүгін өңірде 94 317 доза - І, 126 721 доза ІІ компонент вакцина бар.
Басқармадан түскен мәліметке қарағанда, жыл басынан бері 4176 адамнан коронавирус анықталса, соның 1091 - балалар.
Қазіргі кезде 653 төсектік 11 инфекциялық стационарда 291 адам емделіп жатса, соның ішінде 12 науқастың жағдайы ауыр.
Жыл басынан бері 5 адам коронавирустан көз жұмды.
Еске сала кетейік, бұдан бұрын БҚО-да науқастардың көбеюіне байланысты екі инфекциялық стационар ашылғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).