ОРАЛ. ҚазАқпарат - Батыс Қазақстан облысында мектеп түлегі суға батып кетті, деп хабарлайды ҚазАқпарат тілшісі.
БҚО полиция департаментінің баспасөз қызметінен түскен мәліметке қарағанда, оқиға бүгін Қаратөбе ауданында болған.
Сағат 17.55-те102 телефонына ауылдардың бірінде мектепті биыл бітірген 2003 жылғы түлектің суға кеткені жөнінде хабар келген.
Оқиға орнына жедел тергеу тобы аттанды.
БҚО ТЖ департаментінің баспасөз қызметі оқиғаны растап, мәліметтің кейін берілетінін жеткізді.
Еске сала кетейік, бұдан бұрын БҚО-да 17 жасар жасөспірімнің суға кеткенін, Оралда аурухана жертөлесінде өрт шығып, 28 науқастың эвакуацияланғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).