ОРАЛ. ҚазАқпарат – Батыс Қазақстан облысында мектепке жалған бомба қойылды, деп хабарлайды ҚазАқпарат тілшісі.
БҚО полиция департаментінің баспасөз қызметі мәлім еткеніндей, оқиға бүгін Теректі ауданы Подстепный ауылындағы №1 орта мектепте болды.
Сағат 10.40-та аталмыш мектепке бомба қойылғаны жөнінде 102 нөміріне хабар түскен, бұл туралы ВКонтакте әлеуметтік желісінде пайдаланушының парақшасында жазылған.
Барлық қызметтер оқиға болған жерге жетіп, оқушылар мен мұғалімдер мектептен түгел шығарылды.
«Ақпарат жалған болып шықты. Қазіргі уақытта тексеру жүргізілуде. Әлеуметтік желідегі парақшаға ақпаратты 2005 жылғы жасөспірім орналастырған. ҚР Әкімшілік құқықбұзушылық кодексі 127-бабына сәйкес хаттама толтырылды», деп хабарлады ведомстводан.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).