ОРАЛ. ҚазАқпарат – Батыс Қазақстан облысында тағы бір жол жабылды, деп хабарлайды ҚазАқпарат тілшісі.
БҚО Төтенше жағдайцар департаментінен түскен мәліметке қарағанда, көктайғаққа байланысты бүгін түнгі сағат 01.30-дан бастап облыстық маңызы бар Чапаев-Жаңақала-Бисен жолы барлық көлік түрлері үшін жабылды.
Еске сала кетейік, бұдан бұрын Батыс Қазақстанда жолдар жабылғанын жазған болатынбыз.
Кеше кешкісін республикалық маңызы бар Орал-Атырау, Орал-Тасқала, Самара-Шымкент бағытындағы жолдарда көлік қозғалысына шектеу қойылған еді. Бүгін таңғы сағат 08.00-ден бастап бұл жолдар ашылды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).