ОРАЛ. ҚазАқпарат – Батыс Қазақстан облысында 10 тоннадай жүк тиелген автокөлік өртеніп кетті, деп хабарлайды ҚазАқпарат тілшісі.
БҚО ТЖ департаментінің баспасөз қызметі мәлім еткеніндей, оқиға 13 сәуір күні Ақжайық ауданы Ілбішін ауылы маңында болды.
Сағат 12.50-де Орал-Атырау жолының 175-шақырымында Mercedes Benz жүк көлігінің жанып жатқаны жөнінде хабар түсті. Шамамен 10 тоннадай құрылыс материалдары (тұсқағаздар) тиелген көлік Украинадан Тәжікстанға бет алған. Көлік Өзбекстанның «Sergorus» қоғамдық бірлестік ұйымына тиесілі. Жүктің иесі анықталып жатыр.
№10 өрт сөндіру бөлімшесі қызметкерлерінің күшімен (4 адам, 1 техника) сағат 15.04-те өрт оқшауланып, 15.52-де толық сөндірілді.
Еске сала кетейік, бұдан бұрын Батыс Қазақстанда 2,5 тонна балық тиеп келе жатқан автокөлік ұсталды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).