ОРАЛ. ҚазАқпарат – Батыс Қазақстан облысында 2 республикалық, 6 облыстық жол жабылды, деп хабарлайды ҚазАқпарат тілшісі.
БҚО ТЖ департаментінің баспасөз қызметі мәлім еткеніндей, көктайғаққа байланысты республикалық маңызы бар Орал-Тасқала және Самара-Шымкент (266-526 км, Оралдан Ақтөбе облысына дейін) жолдарында қозғалысқа шектеу қойылды.
Сондай-ақ осы себеппен облыстық маңызы бар Орал-Кирсанов, Тасқала-Аққурай-Болашақ-РФ шекарасы, Чапаев- Жаңақала-Сайқын, Барбастау-Ақжайық-Индербор, Үлкен
Шаған-Переметный және Аңқаты-Сарыөмір жолдары да жабық.
Осыған байланысты БҚО ТЖ департаменті жолаушыларға аталмыш бағыттарға жолға шықпау қажеттігін ескертті.
Еске сала кетейік, бұдан бұрын Батыс Қазақстанда жоғалып кеткен балықшының қыстақтан табылғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).