ОРАЛ. ҚазАқпарат - «Қазгидромет» РМК Батыс Қазақстан облыстық филиалының мәліметі бойынша, желтоқсанның 20-сынан 21-іне қараған түні өңірде ауа температурасы 28-33 градусқа дейін күрт төмендеуі ықтимал, деп хабарлайды «ҚазАқпарат» ХАА тілшісі.
БҚО ТЖ департаментінің жедел кезекшісі, азаматтық қорғау капитаны Азамат Нұрпейісовтің айтуынша, Орал қаласында бұл күндері 30-32 градусқа дейін суытпақ. Осыған байланысты өңірде тұрғындар арасында төтенше жағдайларға жол бермеу, сондай-ақ өмірлік маңызы зор нысандар, электр және байланыс жүйелерінің үздіксіз жұмысын қамтамасыз ету мақсатында сақтық шаралары қолға алынуда.
Айта кетейік, қазіргі кезде облыс орталығында күн жылы, температура тілі 1 градусты көрсетіп тұр.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).