ОРАЛ. ҚазАқпарат – Батыс Қазақстан облысында коронавирус жұқтырған 401 адам 1123 төсектік 18 инфекциялық стационарда емделуде, деп хабарлайды ҚазАқпарат тілшісі.
БҚО денсаулық сақтау басқармасы мәлім еткеніндей, соның ішінде Орал қаласындағы 600 төсектік 5 стационарда 325 адам жатыр.
Атап айтқанда, 350 төсектік облыстық жұқпалы аурулар ауруханасында 215 пациент болса, 200 төсектік модульдік ауруханада 162 науқас ем қабылдауда. Облыстық жұқпалы аурулар ауруханасының 150 төсектік 2 корпусында 53 адам орналастырылған. 25 науқас жансақтау бөлімшесінде.
Өңірде резерв ретінде 1444 төсек-орын (679-ы инфекциялық, 765-і карантиндік) әзірленді.
Басқарма мәліметіне қарағанда, жыл басынан бері 12922 адам коронавирус жұқтырса, соның 56,6 пайызы (7325-і) Орал қаласында, 13,5 пайызы (1757) Бәйтерек, 11 пайызы (1425) Бөрлі ауданында тіркелген.
Еске сала кетейік, бұдан бұрын Батыс Қазақстанда мың адамның індетке қарсы екпе салдырғанын, соңғы төрт күнде 340-қа жуық адамнан коронавирус анықталғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).