ОРАЛ. Қыркүйектің 16-сы. ҚазАқпарат /Елжан Ералы/ - Батыс Қазақстан облысында биылғы сегіз айда 51 млрд. теңгенің құрылыс жұмыстары атқарылды,
бұл өткен жылғыдан 34,7 пайызға көп, деп хабарлайды ҚазАқпарат тілшісі облыстық статистика департаментінен түскен мәліметке сілтеме жасап.
Жыл басынан бері 889 жаңа ғимарат пайдалануға берілсе, соның 726-сы - тұрғын үй, 163-і - тұрғын үй емес мақсатындағы нысандар.
Биылғы сегіз айда тұрғын үй құрылысына 4,5 млрд. теңге жұмсалды. Жалпы алаңы 98,4 мың шаршы метр тұрғын үй іске қосылды, бұл өткен жылғыдан 7,7 пайызға аз. Жергілікті қазына есебінен 20,5 мың шаршы метр, республикалық бюджет қаржысына 0,3 мың шаршы метр жалгерлік, 0,2 мың шаршы метр несиелік, ал тұрғындар есебінен 77,4 мың шаршы метр үй бой көтерді. Тұрғын үй салу, әсіресе, Теректі, Тасқала, Бөкей ордасы, Жаңақала, Сырым аудандарында қарқын алып отыр.
Осы кезеңде 5 денсаулық сақтау, 1 білім беру нысаны салынды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).