ОРАЛ. ҚазАқпарат - Батыс Қазақстан облысында қаңтар айында 58 баладан коронавирус анықталды, деп хабарлайды ҚазАқпарат тілшісі.
БҚО денсаулық сақтау басқармасының баспасөз қызметі мәлім еткеніндей, қыркүйек айынан бері өңірде 263 бала індет жұқтырған.
Соның ішінде қыркүйекте - 4, қазанда - 5, қарашада - 102, желтоқсанда 78 бала ауырды. Қараша мен желтоқсанда 16 балабақша тәрбиеленушісі сырқаттанды. Балалардың бәрі де індетті отбасы мүшелерінен жұқтырды.
Облыста осы кезге дейін 10 030 адам дертке шалдықса, соның 8 661-і жазылып шықты. 183 адам өмірден озды.
Қазіргі таңда жұқпалы аурулар стационарларында 299 адам емделіп жатыр. 28 адам жансақтау бөлімінде.
Еске сала кетейік, БҚО-ның бес ауданында карантин күшейтілді .
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).