ОРАЛ. ҚазАқпарат – Батыс Қазақстан облысында 66481 адамға коронавирусқа қарсы вакцинаның бірінші компоненті егілді, деп хабарлайды ҚазАқпарат тілшісі.
БҚО денсаулық сақтау басқармасы мәлім еткендей, соның ішінде 59186-сы «Спутник V», 1 мыңы «QazVac», 5360-ы «Hayat-Vax» вакцинасын қабылдады.
29354 адам ІІ компонентпен егіліп үлгерді.
Облысқа осы кезге дейін 138560 доза (89050-і – бірінші, 49510-ы – екінші компонент) вакцина жеткізілді.
Соның басым көпшілігі, 91200-і (60550-і – І, 30650-і – ІІ компонент) – ресейлік «Спутник V» вакцинасы.
2 мың доза (1 мыңы – І, жартысы – ІІ компонент) отандық вакцинамен 1 мың адам егілді.
Біріккен Араб Әмірліктерінде өндірілген 45 мың доза (27500-і – І, 17500-і – ІІ компонент) «Hayat-Vax» вакцинасымен де тұрғындар егілуде.
Еске сала кетейік, бұдан бұрын Батыс Қазақстанда бір аптада 650-ге жуық адамнан коронавирус табылғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).