ОРАЛ. Қаңтардың 10-ы. ҚазАқпарат /Елжан Ералы/ - Батыс Қазақстан облысында әкімдердің есептік кездесулері басталды,
деп хабарлайды ҚазАқпарат тілшісі.
Облыс әкімі аппаратының ұйымдастыру-бақылау жұмыстары бөлімінен түскен мәліметке қарағанда, алдымен ауылдық округтері елді мекендерде есеп беруде. Қаңтардың 20-сына дейін осындай 281 кездесу болмақ. Содан кейін аудан, қала әкімдерінің есептік жиындары басталады. Тұрғындардың ұсыныс-тілектерін, ой-пікірлерін жинастыру мақсатында 500-ге жуық арнайы жәшік орнатылмақ.
Әкімдердің есептік кездесулерінде Елбасы тапсырмаларына сәйкес бір жыл ішінде атқарылған жұмыстар, «Жол картасы», «100 мектеп және 100 аурухана» сынды бағдарламалардың орындалу барысы, алда тұрған мақсат-міндеттер көрініс таппақ.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).