ОРАЛ. Желтоқсанның 9-ы. ҚазАқпарат /Елжан Ералы/ - Желтоқсанның 8-інде «Қару» жедел алдын алу іс-шарасы кезінде БҚО-ның Бөкей ордасы ауданы Шоңай ауылының тұрғыны, зейнеткер Ермұхан Ғұмаровтың ауласы маңынан артиллериялық снарядқа ұқсас он зат табылды.
Облыстық ішкі істер департаменті баспасөз қызметінің бастығы, полиция полковнигі Фатихолла Маштақовтың ҚазАқпарат тілшісіне хабарлағанындай, мұның екеуі ұзындығы 48 сантиметр, диаметрі 12 сантиметр артиллериялық снаряд, сегізі әуе ракетасының қалыбы болып шықты.
Снарядтар табылған жер қоршауға алынып, оларды жою үшін Оралдан БҚО ішкі істер департаменті «Арлан» арнайы қызметінің саперлер тобы аттандырылды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).