ОРАЛ. ҚазАқпарат – Батыс Қазақстан облысы аумағында карантиндік шектеу шараларын енгізуге қатысты БҚО бас мемлекеттік санитар дәрігерінің 11 тамыздағы жаңа қаулысы шықты, деп хабарлайды ҚазАқпарат тілшісі.
БҚО санитарлық-эпидемиологиялық бақылау департаментінің баспасөз қызметі мәлім еткеніндей, қаулы қол қол қойылғаннан бастап күшіне енеді.
Бұған дейін сенбі және жексенбі күндері барлық нысандардың қызметі тоқтатылған болатын. Енді «Ashyq» жобасына қатысатын нысандардың қызмет мерзімі ұзартылды, олар демалыс күндері де жұмыс істей алады.
Мысалы, базарлар осыған дейін сағат 17.00-ге дейін ашық болса, бұдан былай «Ashyq» жобасымен өз кестесіне сәйкес жұмыс істей алады. Сол секілді сауда үйлері «Ashyq» жобасымен сағат 21.00-ге дейін жұмыс істейді. «Ashyq» жобасына қатысатын монша, сауналар да өз кестесіне сәйкес жұмыстарын жүргізеді.
Сондай-ақ қоғамдық көліктер санитарлық талаптарды сақтай отырып, демалыс күндері де жүретін болды.
Басқа карантин талаптары сақталады.
Еске сала кетейік, бұдан бұрын БҚО-да соңғы аптада 45 адамның коронавирустан көз жұмғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).