ОРАЛ. ҚазАқпарат – Батыс Қазақстан облысында ауа райының нашарлауына байланысты жолдар жабылды, деп хабарлайды ҚазАқпарат тілшісі.
БҚО полиция департаменті мәлім еткендей, халықаралық маңызы бар Самара-Шымкент (Орал қаласынан Ақтөбе облысының шекарасына дейін) күре жолы жергілікті сағат 19.50-ден бастап барлық көлік түрлеріне жабылды.
Сондай-ақ Орал-Атырау, Орал-Тасқала-РФ шекарасы (Переметныйдан Тасқалаға дейін) жолдары да жабық.
Жабылу себебі – жауын, жел, көктайғақ, тұман.
Еске сала кетейік, бұдан бұрын Батыс Қазақстанда екі автокөлік соқтығысып, 9 адамның ауруханаға жеткізілгенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).