ОРАЛ. Қаңтардың 12-сі. ҚазАқпарат /Елжан Ералы/ - Батыс Қазақстан облысында ауыл әкімдері есеп беруде,
деп хабарлайды ҚазАқпарат тілшісі.
Ақжайық ауданында Тайпақ ауылдық округінің әкімі Тілекқабыл Қуанышалиев, Ақжолда Қашиғолла Уашев, Ақсуатта Талап Өтемісовтер есеп берді. Есеп беруде айтылғанындай, Тайпақта ауылды абаттандыруға барынша көңіл бөлініп, 4 млн. теңге жұмсалған. Жергілікті кәсіпкерлер С.Серғазиев пен З.Нұрғалиев өз дүкендерін ашқан. Басқа да жасалған істер аз емес. Ақжол ауылында өткен жылы балабақша ашылып, радио торабы жұмыс жасай бастады. Болашақ бақтың іргесі қаланды. Мұндай жұмыстар биыл да жалғасады.
Ауыл тұрғындары сонымен қатар өз ұсыныс-тілектерін білдіруде. Мәселен, Битілеу елді мекенінің тұрғындары таза ауыз су келуін, телефон байланысымен қамтылуын күтеді. Сондай-ақ мұнда клуб та қажет.
Осындай кездесулер барлық ауданда да өткізілуде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).