ОРАЛ. ҚазАқпарат – Батыс Қазақстан облысында ауылдық клуб өртеніп кетті, деп хабарлайды ҚазАқпарат тілшісі.
БҚО ТЖ департаментінің баспасөз қызметі мәлім еткеніндей, оқиға 11 қараша күні Бөкей ордасы ауданында болды.
Сағат 07.42-де Орда ауылдық округіне қарасты Қарасу ауылында орналасқан мәдениет ошағының төбесі жанып жатқаны жөнінде хабар түскен.
Өрт аумағы 236 шаршы метрді құрады.
№26 өрт сөндіру бекетінің күшімен (3 адам, 1 техника) «тілсіз жау» сағат 09.27-де оқшауланып, 10.23-те толықтай жойылды.
Қазіргі кезде өрттің шығу себебі, келтірілген шығын анықталу үстінде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).