ОРАЛ. ҚазАқпарат - Батыс Қазақстан облысында автокөлік аударылып, 31 жастағы азамат мерт болды, деп хабарлайды ҚазАқпарат тілшісі.
БҚО полиция департаменті баспасөз қызметінен түскен мәліметке қарағанда, оқиға 30 маусым күні Ақжайық ауданы аумағында болды.
Сағат 06.00-де Атырау-Орал жолының 271-шақырымында 30 жастағы жүргізуші «ВАЗ-21010» автокөлігінің руліне ие бола алмай, аударылуына жол берген. Ол медициналық қорытындыға сәйкес мас күйінде болған.
Жол апаты салдарынан 1990 жылғы ер адам жедел жәрдем көлігінде көз жұмды. Мүрде сот-медициналық сараптамаға жіберілді. 1996 жылғы қыз Ақжайық аудандық орталық ауруханасына жатқызылды.
Автокөлік арнайы тұраққа қойылып, күдікті уақытша ұстау изоляторына қамалды.
Қазіргі кезде ҚР ҚК 345-бабы 3-бөлігіне сәйкес сотқа дейінгі тергеу амалдары жүргізілуде.
Еске сала кетейік, бұдан бұрын Ақсай қаласында 55 жастағы ер адамды өлтірген күдікті ұсталғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).