ОРАЛ. ҚазАқпарат – Батыс Қазақстан облысында автокөлік аударылып екі адам мерт болды, деп хабарлайды ҚазАқпарат тілшісі.
БҚО полиция департаментінің баспасөз қызметі мәлім еткеніндей, оқиға 17 қазан күні Чапаев-Жалпақтал-Казталов жолының 84-шақырымында болды.
«Нива Шевроле» автокөлігінің доңғалағы жарылып, аударылған.
Соның салдарынан 51 жастағы жүргізуші мен 40 жастағы жолаушы оқиға орнында көз жұмды.
Қазіргі кезде ҚР ҚК 345-бабы 4-бөлігіне сәйкес сотқа дейінгі тергеу амалдары жүргізілуде.
БҚО полиция департаменті жүргізушілерге қырағы да мұқият болып, жол жүру ережесін бұзбау керектігін еске салады.
Еске сала кетейік, бұдан бұрын Оралда 2 көлік соқтығысып, екі адамның жарақат алғанын жазған болатынбыз.
Сондай-ақ Оралда 6 пәтерлік тұрғын үй өртеніп кетті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).