ОРАЛ. ҚазАқпарат – Батыс Қазақстан облысында автокөлік өзенге түсіп кетті, деп хабарлайды ҚазАқпарат тілшісі.
БҚО ТЖ департаментінің баспасөз қызметі мәлім еткеніндей, оқиға 19 қыркүйек күні сағат 23.00-де Бәйтерек ауданы Красный Урал ауылының шетінде болды.
26 жастағы жүргізуші Volvo-440 автокөлігінің руліне ие бола алмай, Шаған өзеніне түсіп кеткен. Ол автокөлікте жалғыз болған.
Жедел құтқару жасағының қызметкерлері (6 құтқарушы, 1 техника, 1 жүзу құралы) автокөлікті 20 қыркүйек күні сағат 15.00-де Шағаннан шығарып алды. Судың тереңдігі 2 метр, ені 10 метр.
Зардап шеккендер жоқ.
Еске сала кетейік, бұдан бұрын Оралда көпқабатты үй өртеніп, 30 адамның эвакуацияланғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).