ОРАЛ. ҚазАқпарат – Батыс Қазақстан облысында тағы бір автокөлік өртенді, деп хабарлайды ҚазАқпарат тілшісі.
БҚО ТЖ департаментінің баспасөз қызметі мәлім еткеніндей, оқиға 23 қараша күні сағат 09.40-та Теректі ауданы аумағында болды.
Самара-Шымкент күре жолының 274-шақырымында Барбастау ауылы маңында 1974 жылғы жүргізуші айдап келе жатқан «ВАЗ-21099» автокөлігі отқа оранды.
«Тілсіз жау» сағат 10.12-де оқшауланып, 10.23-те ауыздықталды.
Зардап шеккендер жоқ.
Қазіргі кезде өрттің шығу себебі, келтірілген шығын, кінәлі адамдар анықталу үстінде.
Осымен соңғы екі күнде облыста 2 автокөлік жанып кетті. Жыл басынан бері өртенген көліктер саны 92-ге жетті.
Еске сала кетейік, бұдан бұрын Оралда көпір үстінде автокөлік жанып кеткенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).