ОРАЛ. 13 желтоқсан. ҚазАқпарат /Елжан Ералы/ - Батыс Қазақстан облысында 25 қараша мен 10 желтоқсан аралығында «Әйелдерге қатысты зорлық-зомбылықсыз 16 күн» іс-шарасы өткізілді.
Облыстық ішкі істер департаментінің баспасөз қызметінен түскен мәліметке қарағанда, іс-шараға ішкі істер және басқа мемлекеттік органдар мен қоғамдық ұйымдардан 1061 адам жұмылдырылып, жедел топтар құрылды.
Кәсіпорындар мен ұйымдарда, оқу орындарында әйелдерге қатысты зорлық-зомбылықтың алдын алуға бағытталған 432 іс-шара өткізілді. Осы кезеңде әйелдерге қатысты ауыр қылмыстар тіркелген жоқ. ҚР әкімшілік құқықбұзушылық кодексі 79-5 бабына сәйкес 80 адам жауапкершілікке тартылды.
Іс-шара барысында салауатты өмір салтын қалыптастыру мәселелері жөніндегі облыстық орталық та денсаулық сақтау басқармасымен бірлесе отырып, арнайы дөңгелек үстел отырысын өткізді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).