Батыс Қазақстанда әйелін өлтірмек болған тұрғын ұсталды
ҚазАқпарат бұдан бұрын жазғанындай, Бәйтерек ауданы Переметный ауылында 33 жасар тұрғын өзінің әйелін пышақтап, оқиға орнынан бой тасалаған еді.
БҚО полиция департаментінің баспасөз қызметінен мәлім еткеніндей, күдікті қаншама ізін жасыруға тырысқанымен, кеше түнгі сағат 22.30-да қолға түсті.
«Оқиға орын алған бойда дабыл бойынша Бәйтерек ауданы полиция бөлімінің барлық жеке құрамы тік көтеріліп, күдіктіні іздеуге жұмылдырылды. Соның нәтижесінде ол бір тәулікке жетпейтін уақыт ішінде ұсталды. Қазіргі кезде ол қылмысын мойындап, уақытша ұстау изоляторына қамалды. Бірқатар сараптама тағайындалып, ҚР ҚК 24-бабы 3-бөлігі – 99-бабы 1-бөлігіне (кісі өлтіруге оқталу) сәйкес тергеу амалдары жалғасуда. Аталған бап бойынша айыпты деп танылған адамға 8-ден 15 жылға дейін бас бостандығынан айыру жазасы қарастырылған», деп хабарлады ведомстводан.