ОРАЛ. 19 наурыз. ҚазАқпарат - Батыс Қазақстан облысында барлық өзенде су деңгейі көтеріліп келеді.
БҚО төтенше жағдайлар департаментінің баспасөз қызметінен түскен мәліметке қарағанда, республикалық және жергілікті маңызы бар жолдарға су шыққан жоқ.
Орал қаласында алынған шаралардың нәтижесінде тұрғын үйлерге су кірген жоқ. Қалада төтенше жағдайлар жүйесі бойынша 28 адам, 6 техника, 14 мотопомпа жұмыс жасауда. Жол пайдалану кәсіпорны және басқа мекемелердің күшімен қаланың 20 бөлігінде су сору жұмыстары атқарылуда. Барлығы 91 техника, 5 мотопомпа, 17 «Андижанец» су құятын автомашина, 112 вакуумдық автокөлік, 114 адам жұмыстануда.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).