ОРАЛ. 1 маусым. ҚазАқпарат - Батыс Қазақстан облысында 10 сәуір мен 31 мамыр аралығында өткізілген «Бекіре-2012» жедел алдын алу іс-шарасы барысында 76 заңбұзушылық тіркелді.
Облыстық ішкі істер депаартаментінің баспасөз қызметінен хабарлағанындай, шараға байланысты өңірде 6 мамандандырылған топ құрылып, 4 бақылау-өткізу бекеті ұйымдастырылды. Шараға ішкі істер органдарынан 23, облыстық балық инспекциясынан 4 қызметкер, 7 техника, 3 жүзу құралы қатыстырылды.
Заң бұзушыларға қатысты 38 әкімшілік хаттама толтырылып, 184452 теңге айыппұл салынып, соның 58248 теңгесі өндірілді. Сотқа 31 материал жіберіліп, 129440 теңгеге айыпплұ салынды, 13-і қаралу үстінде.
Заңсыз балық аулаушылардан 4590 келі қара балық, 125 ау, 8 жүзу құралы тәркіленді. Мемлекетке келтірілген шығын көлемі 49247 теңгені құрады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).