ОРАЛ. ҚазАқпарат – Батыс Қазақстан облысында қаңтар айында 99 бала коронавирус жұқтырған, деп хабарлайды ҚазАқпарат тілшісі.
БҚО денсаулық сақтау басқармасының баспасөз қызметі мәлім еткеніндей, қыркүйек айынан бері барлығы 304 баладан індет табылды.
Соның ішінде қарашада – 102, желтоқсанда 78 бала сырқаттанған болатын.
«Қызыл» аймаққа кірген өңірде соңғы тәулікте 95, бір аптада 555 адамның коронавирус жұқтырғаны тіркелді.
Індет басталғаннан бері 10585 адам ауырса, соның 8907-сі жазылып шықты. 197 адам өмірден озды.
Қазіргі таңда инвазивті емес жасанды тыныс алу аппаратына 7, оттегі концентраторына 15, орталықтандырылған оттегі көзіне 57 адам қосылған.
Облыстағы 7 жұқпалы аурулар ауруханасында 291, 4 карантиндік стационарда 36 адам емделуде. 23 адам жансақтау бөлімінде жатыр.
Еске сала кетейік, бұдан бұрын БҚО-да коронавирус жұқтыру деңгейінің өткен жылдың шарықтау шегіне жақындағанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).