ОРАЛ. 22 ақпан. ҚазАқпарат - Батыс Қазақстан облысында биылғы қаңтардағы бөлшек сауда көлемі 13,1 млрд. теңгеге жетті.
Облыстық статистика департаментінен хабарлағанындай, бұл өткен жылғы қаңтардағыдан 16,2 пайызға көп. Бір айда сауда кәсіпорындары 5,0 млрд., базарлардағы сатушылар мен сауда нысандары бар жеке кәсіпкерлер 8,1 млрд. теңгенің бөлшек саудасын жасады.
Ірі және орта кәсіпорындар 2,7 млрд. теңгенің (20,3 пайыз), шағындары 2,3 млрд. теңгенің (17,5 пайыз), жеке кәсіпкерлер 5,3 млрд. теңгенің (40,7 пайыз), базарлар 2,8 млрд. теңгенің (21,5 пайыз) бөлшек тауарын өткізді.
Бөлшек сауда құрылымында азық-түлік емес тауарлар басым (57,4 пайыз).
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).