ОРАЛ. ҚазАқпарат – Батыс Қазақстан облысында кеше 3025 адам коронавирусқа қарсы егілді, деп хабарлайды ҚазАқпарат тілшісі.
БҚО денсаулық сақтау басқармасы мәлім еткеніндей, қала емханалары мен жеке клиникаларда, сондай-ақ аудандық ауруханалардағы егу кабинеттерінің саны 47-ге жеткізілді.
Күні бүгінге дейін өңірде вакцинаның бірінші компонентімен 17215 адам егіліп үлгерсе, соның 4871-і – медицина қызметкерлері, 3377-сі – педагогтар, 1487-сі – құқық қорғау органдарының, 7480-і – басқа сала өкілдері.
Сонымен қатар 4067 адам екінші компонентпен егілді.
9 сәуір күні түскен 14 мың дозадан (І компонент) 7065 адам (50,4 пайыз) екпе салдырды.
Вакцинация кестеге сәйкес одан әрі жалғасуда.
Еске сала кетейік, бұдан бұрын БҚО-да 14 мыңнан астам адамның коронавирусқа қарсы егілгенін, 560-қа жуық адамның инфекциялық ауруханада жатқанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).