ОРАЛ. ҚазАқпарат – Батыс Қазақстан облысында соңғы тәулікте 205 адамнан коронавирус анықталды, деп хабарлайды ҚазАқпарат тілшісі.
БҚО денсаулық сақтау басқармасының баспасөз қызметі мәлім еткеніндей, соның 154-інде, яғни басым көпшілігінде ауру белгілері байқалса, 51-і – симптомы жоқтар.
Алдыңғы аптамен салыстырғанда, коронавирус жұқтырғандар саны 8,5 пайызға (76 адамға) өсіп отыр.
Індет басталғаннан бері өңірде сырқаттанғандар саны 17270- ке жетсе, соның 9633-інде ауру белгілері болса, 7637-сі – симптомы жоқтар.
Барлығы 13789 адам жазылып шықты. 263 адам өмірден озды.
Еске сала кетейік, бұдан бұрын БҚО-да коронавирус жұқтырған 31 адамның жансақтау бөлімінде жатқанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).