ОРАЛ. ҚазАқпарат - «Қазгидромет» РМК БҚО филиалының мәліметіне сәйкес 28 желтоқсанға қараған түні және дүйсенбіде тәулік бойы Батыс Қазақстанның кей жерлерінде бұрқасын көтеріліп, солтүстік-батыстан соққан желдің жылдамдығы секундына 15-20 метрге дейін жетеді.
БҚО ТЖ департаменті хабарлағанындай, Орал қаласында да осындай ауа райы сақталып, желдің екпіні 18 метрге дейін жетуі ықтимал. Осыған орай департамент облыс көлемінде ескерту жариялап, төтенше жағдайлардың алдын алу бағытында шаралар алынуда.
Еске сала кетейік, 17 желтоқсан күні Жаңақала ауданында аяқ астынан боран соғып, малымен бірге алты адам ығып кетіп, бесеуі аман табылса, біреуі далада көз жұмды. Сондықтан қыстыгүні аса сақ болған абзал.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).